İsrail ordusunun səhər saatlarından Qəzza zolağının müxtəlif bölgələrinə təşkil etdiyi hücumlarda aralarında qadın və uşaqların da olduğu 17 fələstinli həyatını itirib.
E-huquq.az xarici mənbəyə istinadən xəbər verir ki, İsrail ordusunun Qəzza şəhərindəki Şati Qaçqınlar Düşərgəsindəki evi bombalaması nəticəsində biri uşaq olmaqla 3 fələstinli həlak olub.
İsrail ordusunun şəhərin şimalındakı Şeyx Radvan məhəlləsində bir evi hədəfə alması nəticəsində 3 fələstinli həlak olub.
İsrail ordusunun Qəzzanın mərkəzindəki Nusayrat Qaçqınlar Düşərgəsində daha bir evi hədəf alması nəticəsində ikisi uşaq olmaqla 4 fələstinli həlak olub.
Eyni zamanda, ordunun Qəzzanın cənubundakı Xan Yunisdə bir evi bombalaması nəticəsində 5 fələstinli həlak olub.
İsrail ordusuna məxsus pilotsuz təyyarənin Xan Yunisin Əl-Məvasi bölgəsində məcburi köçkün fələstinlilərin çadırlarını hədəf alması nəticəsində ana və qızı həlak olub.
Humay Eminqızı
