“Milli Məclisin iclasında iştirak edən deputatlardan kim istəyirsə, tibbi maskalardan istifadə edə bilər”.
E-huquq.az xəbər verir ki, bunu parlamentin bu gün keçirilən iclasında spiker Sahibə Qafarova deyib.
O bildirib ki, deputatların tibbi maskalardan istifadə etməsi üçün xahişini nəzərə alaraq qanunverici orqanın girişində stolun üstünə tibbi maskalar qoyulub: “Kim istəsə həmin tibbi masklardan istifadə edə bilər”.
***
11:09
Milli Məclisin yaz sessiyasının növbəti plenar iclası davam edir.
E-huquq.az xəbər verir ki, yaşı 65-dən yuxarı olan deputatlar Milli Məclis rəhbərliyinin tövsiyəsinə əsasən xüsusi karantin rejiminə əməl edərək bugünkü iclasa qatılmayıblar.
İclasda iştirak edən bəzi deputatlar tibbi maskalardan istifadə edirlər.
İclasda əvvəlcə 31 mart – Azərbaycanlıların Soyqırımı Günü münasibəti ilə soyqırımı qurbanlarının xatirəsi 1 dəqiqəlik sükutla yad edilib.
