Bu gün Bakı Ağır Cinayətlər Məhkəməsində rüşvət verməyə təhrik etmədə təqsirləndirilən Vəkillər Kollegiyasının keçmiş üzvü Vüqar Poladov və sabiq müstəntiq Misir Əmirovun cinayət işi üzrə məhkəmə iclası başlayıb.
E-huquq.az-ın xəbərinə görə, hakim Samir Əliyevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.
Daha sonra kollegiyanın hakimlərindən biri – Cavid Hüseynov özü-özünə etiraz etdiyini açıqlayıb.
O bildirib ki, sabiq müstəntiq M.Əmirovla tələbə yoldaşı olub və bir müddət onunla bir yerdə işləyib.
Buna görə də hakim özü-özünə etiraz edib.
Məhkəmə etirazı təmin edib. Proses qeyri-müəyyən günədək təxirə salınıb.
Qeyd edək ki, təqsirləndirilən şəxslərin hər ikisinin barəsində Cinayət Məcəlləsinin 34, 312-ci (rüşvətə təhrik etmə) maddəsi ilə ittiham irəli sürülüb.
V.Poladovun vəkillik fəaliyyəti bir müddət əvvəl dayandırılıb.
Xatırladaq ki, V.Poladovla M.Əmirovun barəsində həbs qətimkan tədbiri seçilməyib.
