Malatyada zəlzələ nəticəsində yaralananların sayı 110 nəfərə çatıb.
E-huquq.az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Dağıntılar altından 32 nəfərin xilas edildiyi bildirilib.
***
Malatyanın Yeşilyurd rayonunda baş verən zəlzələ nəticəsində 1 nəfər ölüb, 69 nəfər yaralanıb.
E-huquq.az xəbər verir ki, bu barədə Türkiyənin Fövqəladə Halların İdarə Olunması Agentliyindən (AFAD) bildirilib.
Məlumata görə, hadisə yerinə 400-ə yaxın xilasedici cəlb olunub.
Zəlzələ nəticəsində 22 binanın çökdüyü bildirilir.
***
Türkiyənin Malatya əyalətinin Yeşilyurt rayonunda 5,6 maqnitudada zəlzələ olub.
E-huquq.az "Anadolu"ya istinadən xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.
Ətraf əyalətlərdə də hiss edilən zəlzələ 6,96 kilometr dərinlikdə baş verib.
Lalə Salmanova
