Kolumbiyada Quindio və Valle del Kauca şəhərlərini birləşdirən körpü uçub.
E-huquq.az xarici KİV-ə istinadən xəbər verir ki, körpünün uçması nəticəsində hərəkətdə olan avtomobillər aşağıya doğru yuvarlanıb.
Nəticədə 2 polis əməkdaşı həyatını itirib. Daha 15 nəfərin isə yaralandığı bildirilir.
Körpünün uçması səbəbindən ölkənin cənub-qərb hissəsindəki Pereyra, La Paila, Kalarka və Manizales yolları nəqliyyat vasitələrinin hərəkətinə bağlanıb.
Quindio qubernatoru Roberto Jaramillo qeyd edib ki, 1984-cü ildə La Vieja çayı üzərində tikilmiş körpünün dağılmasının səbəblərini araşdırmaq üçün ekspert qrupu təyin edilib.
Lalə Salmanova
