Əfqanıstanın şərqində yerləşən Paktiya əyalətində “Taliban” silahlılarının hücumu nəticəsində azı 4 polis əməkdaşı ölüb, 4-ü yaralanıb.
E-huquq.az Rusiya KİV-inə istinadən xəbər verir ki, bu barədə yerli polis idarəsindən məlumat verilib.
Məlumata görə, “Taliban” mayın 27-də gecə saatlarında Paktiya əyalətində nəzarət-keçid məntəqəsinə hücum edib. Nəticədə azı 4 polis əməkdaşı ölüb, 4-ü yaralanıb.
Bundan başqa, Əfqanıstan baş nazirinin müşaviri Nur Məhəmməd Arab Kunduz şəhərində naməlum silahlılar tərəfindən güllələnərək öldürülüb, onun mühafizəçilərindən biri isə yaralanıb.
