Nigeriyada mədənə silahlı hücum: 7 nəfər həlak oldu

Nigeriyanın Plato əyalətində mədən sahəsinə hücum nəticəsində 7 nəfər həlak olub.

E-huquq.az xarici KİV-ə istinadən xəbər verir ki, Nigeriya ordusu silahlı şəxslərin Plato əyalətinin Kuru bölgəsində qeyri-qanuni fəaliyyət göstərən mədən sahəsinə hücum etdiyini açıqlayıb.

Hücum nəticəsində 7 nəfər ölüb, çoxlu sayda insan yaralanıb.

Nigeriyada son illər ərzində "Boko Haram" və İŞİD-in Qərbi Afrika qolu ISWAP kimi terror qruplaşmaları kəndlərə, məktəblərə və yollarda hərəkət edən mülki şəxslərə hücum edərək fidyə məqsədilə adam qaçırırlar.

Şəbnəm Mehdizadə