- 14:33
Ukrayna Prezidenti Vladimir Zelenski bu gün Ukrayna Silahlı Qüvvələri Günü münasibətilə videomüraciət yayıb.
E-huquq.az xəbər verir ki, bu barədə Zelenskinin rəsmi “Telegram” kanalında məlumat verilib.
Videomüraciətin Donetsk vilayətinin Slavyansk şəhərində çəkildiyi qeyd olunub.
“Mən bu günü ön cəbhədə (Ukrayna Silahlı Qüvvələri Günü-red.) bizim hərbçilərimizlə birlikdə qarşılayıram. Biz bu gün Donbasdayıq. Hərbi əməliyyatlar gedən ərazilər daha da genişlənib, mübarizə çətinləşib, qiyməti isə daha da artıb”, - Zelenski vurğulayıb.
O, Ukraynanın ərazi bütövlüyü üçün döyüşənlərə minnətdarlığını bildirib.