Yunanıstana məxsus döyüş təyyarəsi qəzaya uğradı

Yunan Hərbi Hava Qüvvələrinə məxsus döyüş təyyarəsi Andravida şəhəri yaxınlığında qəzaya uğrayıb.

E-huquq.az xəbər verir ki, yerli mətbuat İon dənizinə düşən təyyarənin F-4 tipli hərbi təyyarə olduğunu açıqlayıb. Qəza zamanı təyyaradə pilot və pilotun köməkçisi olub.

ERT televiziyası təlim uçuşu həyata keçirən pilotun qəzadan əvvəl təhlükəsizlik sistemini işə saldığını və axtarış-xilasetmə işlərinin davam etdiyini bildirib.

Baş Qərargahdan verilən açıqlamada isə bildirilib ki, təyyarənin düşdüyü yer Andarvida bazasından təxminən 40 kilometr aralıda yerləşir.

Eltac Nurullazadə