Dünyanın ən böyük aysberqi ABŞ-ın Corciya ştatının sahillərində dayaz sularda məskunlaşıb.
E-huquq.az xəbər verir ki, nəhəng aysberqin cənub-qərb sahillərində parçalanmağa başlayacağı proqnoz edilir.
Bundan əlavə, bölgədə qidalanan bəzi pinqvinlərin qida ehtiyatlarının azala biləcəyi bildirilir.
Britaniya Antarktika Araşdırmalar Fondununun professoru Nadine Johnston buzun içindəki qida maddələrinin dəniz canlılarını canlandıracağını söyləyib.
Qeyd edək ki, sözügedən aysberq 1986-cı ildə Antarktidadakı Filchner-Ronne buz şelfindən qopub. İllərdir okean axınları üzərində sürüklənən aysberq dekabrda qoparaq isti sulara doğru hərəkət edib. Alimlərin fikrincə, aysberq okean dibindən yuxarı hərəkət edərkən qayalara və dəniz dibindəki ekosistemə zərər verə, dəniz mərcanları, dəniz ilbizləri və süngərlər kimi minlərlə dəniz canlısının yaşayış mühitini məhv edə bilər.
Bununla belə, uzunmüddətli perspektivdə əriyən aysberqlərin okeanı qida ilə təmin edərək yeni dəniz ekosistemlərinin formalaşmasına töhfə verə biləcəyi də vurğulanır.
Şəbnəm Mehdizadə
