Məlum olduğu 331 saylı bağçada müəllimin uşaqları təhqir etməsi barədə sosial şəbəkələrdə video yayılıb. Qınaq obyektinə çevrilən müəllimin bu addımı cinayətdirmi? Ona qarşı hansı hüquqi addımlar atıla bilər?
E-huquq.az məsələ ilə bağlı vəkil Hafiz Ələsgərovla əlaqə saxlayıb.
Vəkil bildirib ki, müəllimin davranışlarında cinayət tərkibi var. Belə ki, uşağın valideyni müəllim haqqında xüsusi ittiham qaydasında məhkəməyə müraciət edə bilər: “Müəllim təhqirə görə Cinayət Məcəlləsinin 147-ci maddəsi ilə cinayət məsuliyyətinə cəlb edilə bilər”.
