Bakının Xətai rayonunda yanğın söndürüldü - YENİLƏNDİ - FOTO - VİDEO

Bakı şəhəri, Xətai rayonu, Orxan İsmayılov küçəsində baş vermiş yanğın FHN-in Dövlət Yanğından Mühafizə Xidmətinin qüvvələri tərəfindən həyata keçirilən operativ tədbirlər sayəsində geniş əraziyə yayılmasına imkan verilmədən qısa müddətdə söndürülüb.

E-huquq.az xəbər verir ki, bu barədə Fövqəladə Hallar Nazirliyindən məlumat verilib.

***

17:38

09.08.2026-cı il tarixində saat 15:55 radələrində Respublika Təcili və Təxirəsalınmaz Tibbi Yardım Mərkəzinə Bakı şəhəri, Xətai rayonu, Bakı Neft Terminalı ərazisindən çağırış qeydə alınıb.

Bu barədə e-huquq.az-a TƏBİB-dən bildirilib.

Məlumata görə, çağırış ünvanına təcili tibbi yardım briqadası cəlb olunub.

Təcili yardıma ehtiyac yaranmayıb, müraciət olmayıb.

***

16:33

Fövqəladə Hallar Nazirliyinin “112" qaynar telefon xəttinə Bakı şəhəri, Xətai rayonu, Orxan İsmayılov küçəsində yanğın baş verməsi barədə məlumat daxil olub.

Nazirlikdən e-huquq.az-a bildirilib ki, məlumatla əlaqədar dərhal FHN-in Dövlət Yanğından Mühafizə Xidmətinin qüvvələri hadisə yerinə cəlb olunub.

Hazırda yanğının söndürülməsi istiqamətində əməliyyat davam etdirilir.

Əlavə məlumat veriləcək.

***

Bakının Xətai rayonunda yanğın hadisəsi baş verib.

E-huquq.az xəbər verir ki, yanğın Orxan İsmayılov küçəsində, yerləşən yanacaq çənində baş verib.

.