Paytaxtda motosiklet qaçıran və oğurluq edənlər saxlanılıblar

Paytaxtda motosiklet qaçıran və oğurluq edənlər saxlanılıblar.

Bu barədə e-huquq.az-a Daxili İşlər Nazirliyinin Mətbuat xidmətindən məlumat verilib.

Bildirilib ki, Xətai rayonunda bir nəfərə məxsus “Tufan” markalı motosikletin qaçırılması barədə polisə məlumat daxil olub. Polis əməkdaşları tərəfindən həyata keçirilən tədbirlərlə əməli törətməkdə şübhəli bilinən 2 yeniyetmə motosikletlə birgə saxlanılıblar.

Yasamal rayonunda isə evlərin birindən dəyəri 1000 manat olan noutbuk və 2 ədəd qol saatı oğurlayan 27 yaşlı E.Məlikzadə də polis tərəfindən saxlanılıb.

Faktlarla bağlı araşdırmalar aparılır.