"Heydər Əliyevin tarixi çıxışlarına nəzər salsaq, Ulu öndərin Azərbaycanın bugününü planladığını görə bilərik"

"Heydər Əliyevin tarixi çıxışlarına nəzər salsaq, Ulu öndərin Azərbaycanın bugününü planladığını görə bilərik".

E-huquq.az xəbər verir ki, bunu Baş prokuror Kamran Əliyev Ümumilli lider Heydər Əliyevin anadan olmasının 101-ci ildönümü ilə əlaqədar keçirilən tədbirdə çıxışı zamanı deyib.

Onun sözlərinə görə, Ulu öndərin Azərbaycanın torpaqlarının azad olunacağına əminliyi var idi.

“Bugün Azərbaycanın əldə etdiyi uğurların, qələbələrin təməli ulu öndər tərəfindən həmin dövrlərdə atılmışdı.

Prezident İlham Əliyev tərəfindən davam etdirilən uğurlu siyasət nəticəsində Azərbaycan qalib dövlətə çevrilib. Prezident İlham Əliyevin qətiyyətli siyasi iradəsi, apardığı məqsədyönlü siyasət və Şanlı Azərbaycan Ordusunun misilsiz şücaəti nəticəsində Qarabağın düşmən işğalından azad edilməsi və dövlətimizin ərazi bütövlüyünün bərpası Azərbaycan xalqının və dövlətinin həyatında yeni bir tarixi mərhələ başlandı”, - deyə Baş prokuror qeyd edib.

Orxan Rasifoğlu