BŞBPİ-nin İctimai Təhlükəsizlik İdarəsinə yeni rəis təyin olundu

Bakı Şəhər Baş Polis İdarəsinin (BŞBPİ) İctimai Təhlükəsizlik İdarəsinin rəisi vəzifəsinə təyinat olub.

E-huquq.az-ın əldə etdiyi məlumata görə, bununla bağlı Daxili İşlər naziri Vilayət Eyvazovun əmr imzalayıb.

Əmrə əsasən, polis polkovniki Sərdar Səfərov BŞBPİ-nin İctimai Təhlükəsizlik İdarəsinin rəisi vəzifəsinə təyin olunub.

Faktı BŞBPİ-dən e-huquq.az-a təsdiq ediblər.

Qeyd edək ki, S. Səfərova qədər bu vəzifəni polis polkovniki Nurullah Məmmədxanlı daşıyıb. O, bu gün nazirin əmri ilə BŞBPİ-nin rəis müavini təyin edilib.