Əli Kərimlinin mühafizəçisinin məhkəməsi başladı

Əli Kərimlinin mühafizəçisi Kənan Zeynalovun cinayət işi üzrə məhkəmənin hazırlıq iclası baş tutub.

E-huquq.az xəbər verir ki, Bakı Ağır Cinayətlər Məhkəməsində hakim Mahirə Kərimovanın sədrliyi ilə keçirilən prosesdə vəkil ittiham aktı ilə tanış olmadığı üçün məhkəmə iclası təxirə salınıb.

Hazırlıq iclası 6 noyabr tarixinə təyin edilib.

Xatırladaq ki, martın 21-i saat 20:00 radələrində Suraxanı rayonu Yeni Günəşli qəsəbəsində paytaxt sakini 36 yaşlı Anar Rəhimovun qarın nahiyəsindən kəsilmiş-deşilmiş xəsarətlərlə xəstəxanaya yerləşdirilməsi barədə polisə məlumat daxil olub.

Həyata keçirilən tədbirlərlə hadisəni törətməkdə şübhəli bilinən 59 yaşlı Kənan Zeynalov polis əməkdaşları tərəfindən müəyyən olunaraq saxlanılıb. Hadisənin tərəflər arasında yaranan şəxsi münasibətlər zəminində baş verdiyi məlum olub.

O, Cinayət Məcəlləsi 126.2.4 cü maddəsi ilə təqsirləndirilir.

Humay Eminqızı