"Tam elektron icraat hakimlərin iş yükünü bərabərləşdirəcək" - Sənan Hacıyev

"Tam elektron icraata keçid beynəlxalq təcrübəyə əsaslanaraq hakimlər arasında bərabər iş yükünün təmin olunmasına imkan yaradacaq".

E-huquq.az xəbər verir ki, bunu Ali Məhkəmənin Mülki kollegiyasının sədri Sənan Hacıyev Azərbaycan Hakimlərinin II Forumu çərçivəsində baş tutan "Rəqəmsallaşma və süni intellektin tətbiqi" adlı panel müzakirədə deyib.

S.Hacıyev bu istiqamətdə mühüm nəticələr əldə edəcəyini bildirib.

O qeyd edib ki, tam elektron icraata keçid məhkəmə sistemində süni intellektin tətbiqi imkanlarını da genişləndirəcək. "Həm vəkillərin, həm hakimlərin, həm də vətəndaşların bu prosesə hazır olması üçün zəruri tədbirlər görüləcək".

Şəbnəm Mehdizadə