Sinif yoldaşının ölümündə ittiham olunan taksi sürücüsünə hökm oxundu

Qəbələdə ölümlə nəticələnən yol-nəqliyyat hadisəsi törətməkdə təqsirləndirilən Elşən Səmədovun cinayət işi üzrə məhkəmə prosesi başa çatıb.

E-huquq.az-ın məlumatına görə, Qəbələ Rayon Məhkəməsində hakim Abbas Əliyevin sədrliyi ilə keçirilən prosesdə hökm oxunub.

Hökmə əsasən, E.Cəfərov 4il 9 ay azadlıqdan məhrum edilib.

Qeyd edək ki, hadisə 11 sentyabr 2025ci il tarixdə Qəbələ rayon İsmayıllı-Şəki yolunda qeydə alınıb. Belə ki, 1989-cu il təvəllüdü E.Səmədovun idarə etdiyi "Mercedes" markalı avtomobil idarəetmədən çıxaraq ağaca çırpılıb. Nəticədə nəqliyyat vasitəsində olan sərnişin 1989-cu il təvəllüdü İsa Əliyev aldığı xəsarətlərdən hadisə yerində ölüb.

Məlumata görə, E.Səmədov Ağdaş rayon ərazisində taksi olaraq fəaliyyət göstərirmiş. Qəzada həlak olan İ.Əliyev isə onun sinif yoldaşı olub.

Yusif Şükürov