Ali Məhkəmənin hakimi 41 hakimə təlim keçdi - FOTO

Ədliyyə Nazirliyinin Ədliyyə Akademiyası tərəfindən Məhkəmə-Hüquq Şurasının müraciəti əsasında “Korrupsiyaya qarşı mübarizədə milli və beynəlxalq mexanizmlər” mövzusunda təlim təşkil olunub.

E-huquq.az xəbər verir ki, təlim Azərbaycan Respublikasının Ali Məhkəməsinin hakimi Teyyub Muxtarov tərəfindən keçirilib və 41 hakim iştirak edib.

Təlimdə korrupsiyaya qarşı mübarizə sahəsində milli qanunvericilik, beynəlxalq hüquqi mexanizmlər, məhkəmə təcrübəsində tətbiq olunan yanaşmalar, habelə şəffaflığın və etik davranış prinsiplərinin təmin edilməsinin əhəmiyyəti barədə ətraflı məlumat verilib.