Qaradağ rayonunda ölümlə nəticələnən yol-nəqliyyat hadisəsi Vüqar Səlimovun cinaytət işi üzrə ibtidai istintaqı başa çatıb.
E-huquq.az-ın xəbərinə görə, iş baxılması üçün Qaradağ Rayon Məhkəməsinə göndərilib.
Cinayət işi hakim Teymur Qurbanovun icraatına verilib.
Məhkəmənin hazırlıq iclasının vaxtı hələlik açıqlanmayıb.
Qeyd edək ki, hadisə bu il aprelin 18-də Qaradağ rayonu ərazisində baş verib.
Belə ki, rayonun Xocahəsən yolu istiqamətində “Mercedes” markalı minik avtomobili ilə hərəkətdə olan V.Səlimov yolun piyada üçün nəzərdə tutulmayan hissəsindən keçən piyada 1969-cu il təvəllüdlü Əsgərov Əli Əsgər oğlunu vurub.
Sürücü yaralını 1 saylı Şəhər Kliniki Xəstəxanasına çatdırıb, lakin Ə.Əsgərov dünyasını dəyişib.
