Quldurluqda şübhəli bilinən şəxslərin ibtidai istintaqı başa çatdı

Bakıda quldurluqda şübhəli bilinən Şahin Cavadov və Asif Bağışovun cinayət işi üzrə itbidai istintaq başa çatıb.

E-huquq.az-ın məlumatına görə, toplanan cinayət işi materialları baxılması üçün Bakı Ağır Cinayətlər Məhkəməsinə göndərilib.

Hakim Telman Hüseynovun sədrliyi ilə keçiriləcək məhkəmənin hazırlıq iclasının vaxtı hələlik məlum deyil.

İttihama görə, fevralın 11-də saat 20 radələrində Səbail rayonu ərazisində 3 nəfərin bıçaqla hədələnməsi, onların birindən içərisində 2 000 ABŞ dolları və sənədlər olan cüzdanının quldurluq yolu ilə talanması barədə polisə məlumat daxil olub. Aparılan əməliyyat tədbiri nəticəsində bu əməli törətməkdə şübhəli bilinən Cəlilabad rayon sakini, əvvəllər məhkum olunmuş Şahin Cavadov və Biləsuvar rayon sakini Asif Bağışov müəyyən olunaraq saxlanılıblar. Onlara qarşı Cinayət Məcəlləsinin 181.2.1-ci maddəsi üzrə ittiham irəli sürülüb.

Şəbnəm Mehdizadə