Zelenski yeni sanksiyalar tətbiq etdi

Ukrayna lideri Volodimir Zelenski Rusiya pilotsuz təyyarələrinin istehsalı ilə məşğul olan fiziki və hüquqi şəxslərə qarşı sanksiyalar tətbiq edib.

E-huquq.az xəbər verir ki, bu barədə Ukrayna prezidentinin saytında dərc olunan sərəncamda deyilir.

Məhdudiyyətlər pilotsuz uçuş aparatlarının (PUA) Geran, Orlan-10, SuperCam və FPV dronlarının hazırlanması və istehsalı ilə məşğul olan şəxslərə və şirkətlərə təsir edib.

Bundan əlavə, siyahıya “Alabuga Machinery” MMC-nin tədarükçüləri və Rusiya pilotsuz təyyarələrinin istehsalı üçün komponentlər idxal edən hüquqi şəxslər daxildir.

Ümumilikdə sanksiya siyahısına 56 fiziki və 55 hüquqi şəxs daxil edilib.

Humay Eminqızı