Deputatlığa namizəd Fəzail Ağamalı 60 saylı Salyan-Neftçala Seçki Dairəsinin Yolüstü,Yeni Uluxanlı,Düzənlik kəndlərinin seçiciləri ilə görüş keçirib.
E-huquq.az-ın xəbərinə görə, görüş Fəzail Ağamalının Milli Qəhrəman Nazim Babayevin anası Laçın Babayevanı ziyarəti ilə başlayıb.
Daha sonra kənd sakinləri ilə görüşdə Fəzail Ağamalı ölkə Prezidenti cənab İlham Əliyevin daxili və xarici siyasətinin, həyata keçirilməkdə olan və geniş miqyas daşıyan islahatlarının uğurlu nəticələri və ötən 4 ildə deputatlıq fəaliyyəti haqqında seçicilərə ətraflı məlumat verib.
Çıxış edən Fəzail Ağamalının vəkilləri və seçicilər cənab prezident İlham Əliyevin çoxşaxəli fəaliyyətini yüksək qiymətləndirilib və Fəzail Ağamalının üstün siyasi keyfiyyətləri, onun peşəkarlığı və dövlətçiliyimizə göstərdiyi xidmətlər üzərində ətraflı söhbət aparılıb.
Seçicilər birmənalı olaraq qarşıdan gələn parlament seckilərində Fəzail Ağamalıya səs verəcəklərini bir daha bəyan ediblər.
