TƏBİB: Özəl müəssisələrin COVID-19 testi qiymətlərinə müdaxilə etmirik

"Azərbaycanda dövlət tərəfindən tibb müəssisələrində aparılan COVID-19 testlərinin hamısı pulsuz olub".

E-huquq.az-ın xəbərinə görə, bunu Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası şöbəsinin müdiri Yaqut Qarayeva deyib.

Onun sözlərinə görə, TƏBİB özəl müəssisələrin COVID-19 testlərinin aparılması ilə bağlı təyin etdiyi qiymətlərə müdaxilə etmir. Çünki bu məsələ onların müəssisədaxili qəbul etdiyi qərardır.