Məzmuna keç

Vəkillər Kollegiyasının sədri: “Qərb bölgəsində yüksək keyfiyyətli hüquqi yardıma çatımlılıq təmin olunub”

"Bu gün tam məsuliyyətlə deyə bilərik ki, Respublikamızın Qərb bölgəsində vətəndaşların lazımi səviyyədə hüquqi yardım alması üçün, konstitusiya hüquqlarının realizə edilməsi üçün bütün şərait təmin edilib"

E-huquq.az xəbər verir ki, bunu Vəkillər Kollegiyasının sədri Anar Bağırov Gəncə Regional Vəkil Bürosunun yeni inzibati binasının açılışı ilə bağlı jurnalistlərə açıqlamasında deyib.

O bildirib ki, hazırda Gəncə şəhərində 3 vəkil bürosu, 69 vəkil fəaliyyət göstərir: "Burada vəkillərin sayı ilbəil artır. Gəncədə və ətraf ərazilərdə yaşayan insanlar hər zaman vəkillərə müraciət edə bilərlər. Vəkillər də tez- tez pulsuz hüquqi yardım aksiyaları keçirirlər. Hərkəs bundan bəhrələnə bilər".

Sədr, həmçinin qeyd edib ki, Gəncə Regional Vəkil Bürosunun yeni inzibati binasında vəkillərin peşə hazırlığının artırılması da təmin ediləcək: "Vaxtaşırı Ədliyyə Akademiyası və Vəkillər Kollegiyasının Akademiyasının iştirakı ilə təlimlər keçiriləcək".

Humay Eminqızı