- 10 May 15:10
Vəkilliyə qəbul üzrə ixtisas imtahanının yazılı test mərhələsini müvəffəqiyyətlə keçmiş və “Vəkillər və vəkillik fəaliyyəti haqqında” Azərbaycan Respublikası Qanununun 8-ci maddəsinin birinci hissəsinə uyğun olaraq əvvəllər vəkil (intizam qaydasında vəkillik fəaliyyətinə xitam verilmiş şəxslər istisna olmaqla) və ya hakim olmuş şəxslərdən 163 vəkilliyə namizədin peşə yararlılığının yoxlanılması məqsədilə 25.05.2021-19.10.2021-ci il tarixlərində ixtisas imtahanının şifahi müsahibə mərhələləri keçirilib.
E-huquq.az xəbər verir ki, imtahanların nəticəsinə görə, Vəkillərin İxtisas Komissiyasının peşə yararlılığına dair rəyini almış 144 nəfər vəkilliyə namizəd icbari təlimə buraxılmışdır. 10.11.2021-ci il tarixdə başlayacaq icbari təlim ZOOM proqramı vasitəsilə distant formada keçiriləcək.
İcbari təlimdə iştirak edəcək namizədlərə təlim barədə əlavə məlumat veriləcəkdir.
Qeyd: İxtisas imtahanının şifahi müsahibə mərhələsində müvəffəqiyyət qazanmış, əvvəllər vəkil və ya hakim olmuş 7 şəxs vəkillik haqqında qanunvericiliyin tələblərinə əsasən, icbari təlimə cəlb olunmadan andiçməyə buraxılırlar.
Şifahi müsahibə mərhələsini müvəffəqiyyətlə keçmiş vəkilliyə namizədlərin siyahısı:
Şifahi müsahibə mərhələsini müvəffəqiyyətlə keçmiş əvvəllər vəkil və ya hakim olmuş şəxslərin siyahısı: