Ülkər Hüseynbəyli Vəkillər Kollegiyasının üzvü deyil - RƏSMİ

Azərbaycan Respublikası Vəkillər Kollegiyası bəzi kütləvi informasiya vasitələrində və sosial şəbəkələrdə Bakıda qadın vəkilin icra məmuru tərəfindən döyülməsi ilə bağlı yayılan məlumata aydınlıq gətirib.

Vəkillər Kollegiyası e-huquq.az-ın sorğusuna cavab olaraq bildirib ki, yayılan məlumatda adıçəkilən Hüseynbəyli Ülkər Hüseyn qızı adlı şəxs Vəkillər Kollegiyasının üzvü deyil.

"Kollegiyanın rəsmi veb-səhifəsində (www.barassociation.az) yerləşdirilmiş “fəaliyyət göstərən vəkillərin siyahısı” bölməsindən və ya Vəkillər Kollegiyası Rəyasət Heyəti ilə əlaqə saxlayaraq, şəxslərin vəkil olub-olmamasını dəqiqləşdirə bilərlər. Bütün KİV-ləri və sosial şəbəkə istifadəçilərini yalan və rəsmi mənbələrdən dəqiqləşdirilməmiş məlumatlar yaymamağa çağırır və sözügedən xəbəri dərc etmiş KİV-ləri məlumatı dəqiqləşdirib yenidən dərc etməyə dəvət edirik", - deyə məlumatda bildirilib.

Qeyd edək ki, dünən Vəkillər Kollegiyasının üzvü Hüseynbəyli Ülkər Hüseyn qızı Sumqayıt İcra şöbəsinin icra məmuru Pərviz Quliyev tərəfindən təhqir edilərək döyülməsi barədə məlumat yayıılıb.