Anım Günü münasibətilə ödənişsiz hüquqi yardım aksiyası keçirildi


  • 28 Sentyabr 12:58

Məlum olduğu kimi, Azərbaycan Respublikasının Vəkillər Kollegiyası Rəyasət Heyətinin 09 dekabr 2020-ci il tarixli qərarına əsasən, şəhid ailələrinə və qazilərə ödənişsiz hüquqi yardım göstərilməsi, o cümlədən məhkəmə proseslərində ödənişsiz təmsilçilik həyata keçirilməsi qərara alınıb.

E-huquq.az xəbər verir ki, həmin qərarın icrası ilə bağlı olaraq mütəmadi olaraq şəhid ailələrinə və qazilərə ödənişsiz hüquqi yardım göstərilir. Həmçinin, Vəkillər Kollegiyası tərəfindən “27 sentyabr - Anım Günü” münasibəti ilə ölkə ərazisində fəaliyyət göstərən bütün vəkil qurumları tərəfindən şəhid ailələri üzvlərinə və müharibə qazilərinə ödənişsiz hüquqi yardım göstərilib.

Aksiya zamanı Vəkil qurumları tərəfindən müraciət etmiş onlarla şəhid ailələri üzvlərinə və müharibə qazilərinə ödənişsiz hüquqi yardım göstərilmiş, onları maraqlandıran suallar cavablandırılıb, mülki və sosial təminat qanunvericiliyinin müddəaları izah edilib, yazılı və şifahi məsləhətlər verilmiş, yazılı ərizələr tərtib olunub.

Qeyd etmək istərdik ki, müraciətlərin böyük hissəsi pensiya hüququ, sosial təminat, ipoteka, nikahın pozulması və ərzaq təminatı ilə bağlı hüquqi yardımın göstərilməsi olub.

Oxşar xəbərlər