BMT-nin İnsan Hüquqları üzrə Ali Komissarlığı ilə əməkdaşlıq çərçivəsində vəkillər üçün təlim keçiriləcək

Oktyabrın 20-də BMT-nin İnsan Hüquqları üzrə Ali Komissarlığı tərəfindən, Vəkillər Kollegiyası ilə əməkdaşlıq çərçivəsində Avropa İttifaqının maliyyə dəstəyi ilə Azərbaycanın vətəndaş cəmiyyəti nümayəndələri və hüquqşünaslar üçün “BMT-nin insan hüquqları mexanizmlərindən istifadə etməklə insan hüquqlarının monitorinqi və hesabatlılıq” mövzusu üzrə növbəti bir günlük təlimi keçiriləcək.

E-huquq.az xəbər verir ki, təlim BMT-nin İnsan Hüquqları üzrə Ali Komissarlığının nümayəndələri və yerli təlimçilər tərəfindən baş tutacaq.

Sonda təlimdə tam iştirak edən şəxslərə BMT-nin İnsan Hüquqları üzrə Ali Komissarlığı adından rəsmi sertifikatlar təqdim ediləcək.

Əlavə edək ki, tədbir Bakı şəhəri, İsmayıl Bəy Qutqaşınlı 119 ünvanında, “Mogan” hotelin Qubadlı konfrans zalında, saat 09:45-17:00-də baş tutacaq.

Təlimdə iştirak etmək arzusunda olan vəkillər 16.10.2023-cü il tarixinədək aşağıdakı keçid vasitəsi ilə qeydiyyatdan keçə bilərlər:

https://forms.gle/3RpH2dhejhg6FCeFA

Qeyd edək ki, vəkillərin iştirakı üçün ayrılmış yerlərin sayı məhduddur. Belə ki, təlimdə 12 nəfər vəkilin iştirakı nəzərdə tutulur.

Əlaqələndirici şəxs - Vəkillər Kollegiyasının Hüquqi Yardım və Tədris Mərkəzinin tədris işləri üzrə koordinatoru Günay Sultanova (Tel: 012-594-99-85, 050-377-70-80)