Anar Bağırov: “Vəkillər Kollegiyasını narahat edən problemlərin həlli üçün göstərdiyi dəyərli səylərinə görə Ombudsmana minnətdaram”

“Çox hörmətli Azərbaycan Respublikasının İnsan Hüquqları üzrə Müvəkkili – Ombudsman xanım Səbinə Əliyeva vəkilliyə göstərdiyi diqqət və dəstəyə, Azərbaycan Respublikasının Vəkillər Kollegiyasını narahat edən problemlərin həlli üçün göstərdiyi dəyərli səylərinə görə ölkəmizin vəkil korpusu adından öz dərin minnətdarlığımı bildirirəm”.

E-huquq.az xəbər verir ki, bunu Vəkillər Kollegiyasının sədri Anar Bağırov sosial şəbəkədə paylaşımında qeyd edib.

“Bütün bunların nəticəsində dövlət hesabına ödənişin tez bir zamanda artırılması üçün aidiyyəti nazirliklərlə tərəfimzidən aparılan səmərəli danışıqların və əldə edilən ilkin razılaşmanın müsbət nəticə verəcəyinə ümidimiz daha da artır”, - sədr bildirib.

Qeyd edək ki, Ombudsman Səbinə Əliyeva Milli Məclisin bu gün keçirilən plenar iclasında 2024-cü il üzrə məruzəsini təqdim edərkən dövlət hesabına hüquqi yardımın göstərilməsi üçün qanunvericiliklə nəzərdə tutulan məbləğin artırılmasını təklif edib.

Şəbnəm Mehdizadə