Ərdoğan Kiyevə səfər edəcək

“Türkiyə Prezidenti Rəcəb Tayyib Ərdoğan Ukraynaya səfər edəcək. Hazırda rəsmi Kiyev bu səfərə hazırlaşır”.

E-huquq.az xəbər verir ki, bunu “RBK-Ukrayna” portalına müsahibəsində bu ölkənin səfiri Nəriman Cəlal deyib.

O vurğulayıb ki, səfər Ukrayna Prezidenti Volodimir Zelenskinin dəvəti ilə reallaşacaq: “Tərəflər arasında onun reallaşmasına mane olan çoxsaylı məsələlər var. Ona görə də bu səfər əhəmiyyətli səylərin göstərilməsini tələb edir”.

Diplomat, eyni zamanda, səfərin əsas mövzusunun hər iki ölkə arasında azad ticarət haqqında razılaşmanın ratifikasiyası ola biləcəyini açıqlayıb.