Sumqayıtda qazın verilişində fasilə olacaq

Sumqayıt şəhərinin 18-ci məhəlləsində yerləşən 34 nömrəli balansda cari təmir işlərinin aparılması ilə əlaqədar olaraq 600 abonentin qaz təchizatı dayandırılacaq.

Azərbaycan Dövlət Neft Şirkətinin (SOCAR) "Azəriqaz" İstehsalat Birliyinin Sumqayıt Qaz İstismar Sahəsindən e-huquq.az-a verilən məlumata görə, qazın verilişi bu gün saat 12:00-dan etibarən müvəqqəti olaraq kəsiləcək.

Təmir işlərinin tamamlanmasının ardından qaz təchizatı bərpa ediləcək.

İstehsalat Birliyi sakinlərə anlayış göstərdiklərinə görə təşəkkür edib.