Ötən il yol hərəkəti qaydalarının pozulmasına görə 227 milyon manat cərimə yığılıb

2024-cü ildə dövlət büdcəsinə cərimə və sanksiyalardan cəmi 380,1 milyon manat daxil olub.

Hesablama Palatasından e-huquq.az-a verilən məlumata görə, bu vəsaitin 277,7 milyon manatı və yaxud 73,1%-i büdcə təşkilatlarının büdcədənkənar gəlirlərinə yönəldilməklə, həmin qurumların büdcədənkənar xərclərinin maliyyələşdirilməsinə istifadə olunub.

Qeyd edək ki, qanunvericiliklə büdcədənkənar gəlirlərə aid edilən maliyyə sanksiyaları və
cərimələrin 81,7%-i yol hərəkəti qaydalarının pozulmasına görə tətbiq edilən inzibati cərimələrin payına düşüb. Beləliklə, 380 milyon manatın 227 milyon manatı yol hərəkəti qaydalarının pozulmasına görə cərimələr təşkil edib.