Məzmuna keç

“Tesla” avtomobillərini yenidən dizayn edir

"Tesla" şirkəti avtomobil qəzaları və yanğınlar zamanı sərnişinlərin içəridə qalması ilə bağlı şikayətlərdən sonra qapı açma mexanizmini yenidən dizayn etməyi planlaşdırır.

E-huquq.az xarici mətbuata istinadən xəbər verir ki, Milli Avtomobil Yolları Hərəkətinin Təhlükəsizliyi İdarəsi (NHTSA) uşaqlarını oturacağa qoyduqdan sonra avtomobillərinə minə bilməyən və nəticədə şüşələri sındırmaq məcburiyyətində şəxslərin şikayətlərindən sonra araşdırmaya başlayıb.

Araşdırma zamanı 140 nəfərin "Tesla" avtomobillərində sıxışması zamanı ciddi xəsarət aldığı məlum olub. Onlar arasında ölənlər də var.

Şirkətin dizayn rəhbəri Franz von Holzhausen deyib ki, yeni tənzimləmənin yalnız gələcək modellərə, yoxsa mövcud avtomobillərə də şamil ediləcəyi hələ məlum deyil.

Mütəxəssislərin fikrincə, sərnişinlər üçün mexaniki qapı tutacaqlarının yerləşdirilməsinin çətinliyi xüsusilə uşaqlar və ya nəqliyyat vasitəsi ilə tanış olmayanlar üçün ciddi risk yaradır. Bəzi qəzalarda ilk müdaxilə edənlərin qapıları aça bilmədiyi üçün yanğın zamanı sakinlər içəridə sıxışıb, ağır yaralanıb və hətta ölüblər.

Şəbnəm Mehdizadə