"Azərbaycan sülh gündəliyini prioritet elan edib"

"İkinci Qarabağ müharibəsində möhtəşəm qələbə qazanan Azərbaycan Ordusu 2023-cü ilin sentyabrın 19-da Qarabağ iqtisadi zonasında keçirdiyi antiterror əməliyyatı ilə öz suverenliyini bərpa etdi".

E-huquq.az xəbər verir ki, bunu Milli Məclisin deputatı Nizami Səfərov parlamentin bu gün keçirilən plenar iclasında deyib.

O bildirib ki, Azərbaycan sülh gündəliyini prioritet elan edib:

"Prezident İlham Əliyev bu il avqustun 8-də ABŞ-nin paytaxtı Vaşinqtonda, Ağ Evdə çıxışı zamanı bir sıra vacib məsələləri qeyd etdi. O bildiridi ki, Azərbaycan hər zaman sülhün siyasi vasitələrlə təmin edilməsinə çalışıb. Məhz Azərbaycanın ardıcıl səyləri nəticəsində cari ilin avqust ayinin 8-də birgə bəyanat imzalandı, Azərbaycan ilə Ermənistan arasında sülh müqaviləsi paraflandı. Azərbaycanın əldə etdiyi qələbə qlobal müstəvidə hüququn aliliyinin əyani təsviridir. Bununla da Cənubi Qafaqazda yeni səhifə açıldı ".

Şəbnəm Mehdizadə