Qax Rayon Mərkəzi Xəstəxanasının 40 minlik tenderi ləğv edildi

"Qax Rayon Mərkəzi Xəstəxanası" publik hüquqi şəxsinin sanitariya-gigiyena və digər xidmət haqqı xərcləri-Profilaktiki dezinfeksiya, dezinseksiya və deratizasiya xidmətlərinin satın alınması ilə bağlı elan etdiyi tender ləğv edilib.

E-huquq.az xəbər verir ki, buna səbəb satınalmada iştirak etmək üçün təklifi və təklifin təminatını təqdim etmiş, tələb olunduğu halda müvafiq lisenziyaya və ya icazəyə malik olan təchizatçıların sayı üçdən az olmasıdır.

Həmin tenderin dəyəri 40.046,25 manat olub.

Humay Eminqızı