DİM təxirə salınan qabiliyyət imtahanının tarixini açıqladı

İyunun 27-də Tofiq Bəhramov adına Respublika Stadionunda keçirilməsi planlaşdırılan qabiliyyət imtahanı əlverişsiz hava şəraiti səbəbindən təxirə salınıb.

E-huquq.az xəbər verir ki, bu barədə Dövlət İmtahan Mərkəzi (DİM) məlumat yayıb.

Məlumata görə, idman istiqamətinin 62-ci (ümumi fiziki hazırlıq, adaptiv bədən tərbiyəsi və kütləvi sağlamlaşdırıcı idman) komissiyası üzrə açıq havada təşkil olunmalı olan ümumi fiziki hazırlıq imtahanı qeyri-sabit hava fonuna görə təxirə salınıb.

Bildirilib ki, sözügedən imtahan iyulun 7-də Azərbaycan İdman Akademiyasında keçiriləcək.