Azərbaycanda bu gündən yaşı 65-dən yuxarı olanlara yaşayış yerini tərk etməmək tövsiyə olunur

Yüksək risk qrupuna daxil olan 65 yaşdan yuxarı şəxslərin bu gündən ən zəruri hallarda yaşayış yerlərini tərk etmələri tövsiyə edilib.

E-huquq.az-ın məlumatına görə, bu barədə Nazirlər Kabineti yanında Operativ qərargah qərar verib.

Qeyd edək ki, son günlər Azərbaycanda yeni növ koronavirus (COVID-19) infeksiyasına yoluxma hallarında kəskin artım müşahidə olunması səbəbindən mövcud sanitar-epidemioloji vəziyyət nəzərə alınaraq, bu gündən ölkədə xüsusi karantin rejimi çərçivəsində bir sıra məhdudiyyətlərin tətbiq olunmasına qərar verilib.