“Azəriqaz” şəhid ailəsinin qaz təchizatı ilə bağlı problemini həll etdi - VİDEO

44 günlük Vətən müharibəsində soyadından söz etdirməyi bacaran Sahratovlar ailəsinin SOCAR “Azəriqaz” İstehsalat Birliyinə etdiyi müraciətin həlli özünü çox gözlətməyib.

Qurumdan e-huquq.az-a verilən məlumata görə, şəhid gizir Cavid Sahratovun qardaşı Səbuhi Sahratlının istəyi əsasında fərdi yaşayış evinə qaz xətti çəkilərək sayğac quraşdırılıb.

Qeyd edək ki, Yardımlı rayonunda yaşayan Sahratovlar ailəsinin hər iki üzvü Vətən müharibəsində iştirak edib. Gizir Cavid Sahratov qəhrəmancasına şəhid olub. Səbuhi isə qardaşının döyüş yolunu layiqincə davam etdirməyi bacarıb və “Kəlbəcərin azad olunmasına görə” medalı ilə təltif olunub.