Sudan ordusu və çevik reaksiya qüvvələri arasında atəşkəs daha 5 gün uzadılıb.

E-huquq.az xarici KİV-ə istinadən xəbər verir ki, bu barədə ABŞ-ın Xartumdakı səfirliyinin "Twitter" səhifəsində bildirilib.

"Səudiyyə Ərəbistanı və ABŞ, Sudan ordu qüvvələri və çevik reaksiya qüvvələrinin atəşkəs razılaşmasını daha 5 gün uzatmasını alqışlayır", - deyə bəyanatda qeyd olunub.

Atəşkəsin uzadılması qərarının daha çox humanitar yardım və əsas xidmətlərin göstərilməsinə və uzunmüddətli atəşkəsin müzakirəsinə imkan yaradacağı vurğulanıb.

Açıqlamada, mayın 20-də imzalanan atəşkəsin tam yerinə yetirilməsə də, ehtiyacı olan təxminən 1 milyon sudanlıya humanitar yardımın çatdırılmasını təmin etdiyi və daha çox humanitar səylərin göstəriləcəyi bildirilib.

Qeyd edək ki, aprelin 15-də Sudanda ordu ilə Çevik Reaksiya Qüvvələri arasında silahlı toqquşmalar başlayıb.

Şəbnəm Mehdizadə