Daxili İşlər Naziriyi paytaxtda iki nəfərin öldüyü qəza ilə bağlı məlumat yayıb.
E-huquq.az xəbər verir ki, hadisə martın 7-də saat 23 radələrində Suraxanı qəsəbəsi A.Rzayev küçəsində baş verib.
Bakı şəhər sakinləri Y.Nadirovun idarə etdiyi “KİA” və Şəhriyar Həsənovun idarə etdiyi “VAZ-2107” markalı avtomobillər toqquşub.
Nəticədə Ş.Həsənov və sərnişinlərindən anası Minayə Hüseynova hadisə yerində ölüb, 3 sərnişini isə xəstəxanaya yerləşdirilib.
Faktla bağlı Suraxanı rayon Polis İdarəsində araşdırma aparılır.
