Bu gün Bakı Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Vüqar Qasımovun cinayət işi üzrə məhkəmə iclası başlayıb.
E-huquq.az-ın xəbərinə görə, hakim Telman Hüseynovun sədrliyi ilə keçirilən prosesədə təqsirləndirilən şəxsin aket məlumatları dəqiqləşdirilib.
Məhkəmənin baxış iclası iyunun 25-nə təyin edilib.
Qeyd edək ki, hadisə bu il fevralın 17-də saat 23:15 radələrində Qaradağ rayonunun Qızıldaş qəsəbəsi ərazisində baş verib. V.Qasımov qəsəbəsinin mərkəzi yolu ilə qəsəbə istiqamətində hərətdə olarkən yolu keçmək istəyən 1971-ci il təvəllüdlü Şahverdiyeva Nəzakət Qüdrət qızını vurub hadisə yerindən qaçıb.
Dahas sonra o, saxlanılıb.
Faktla bağlı Qaradağ Rayon polis İdarəsində Cinayət Məcəlləsinin (CM) 263.2 va 264-cü maddələri ilə cinayət işi başlanıb və sonradan cinayət işi üzrə əməl həmin Məcəllənin 263.3, 263-1.3 və 264-cü maddələrinə tövsif edilib.
Qəza nəticəsində ölən N.Şahverdiyeva iki övlad anası idi. Uzun illər uşaqlarını tək böyüdən qadın mart ayında qızına nişan mərasimi keçirəcəkdi.
