Bu gün Bakı Ağır Cinayətlər Məhkəməsində çay evində qətl törətməkdə təqsirli bilinən Sənan Həsənov və Asim Muxtarovun cinayət işi üzrə məhkəmə iclası başlayıb.
E-huquq.az-ın xəbərinə görə, hakim Azər Paşayevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.
Məhkəmənin baxış iclası avqustun 6-na təyin edilib.
Qeyd edək ki, bu il fevralın 3-də Suraxanı rayonu, Qaraçuxur qəsəbəsindəki çay evlərinin birində S.Həsənov və A.Muxtarov həmin çay evində işləyən 1993-cü il təvəllüdlü Sahil Əlizadəni bıçaqlayaraq qətlə yetiriblər.
Hadisə hesab üstündə yaranan mübahisə zəminində baş verib.
İstintaq orqanı tərəfindən S.Həsənov və A.Muxtarovun barəsində Cinayət Məcəlləsinin 120.2.2-ci (xuliqanlıq niyyəti ilə adam öldürməyə cəhd) maddəsi ilə ittiham elan edilib.
İmamət Əsgərov
