Bakı Ağır Cinayətlər Məhkəməsində adam öldürməyə cəhddə təqsirləndirilən Teymur Ağayevin cinayət işi üzrə məhkəmə iclası başlayıb.
E-huquq.az-ın xəbərinə görə, hakim Eldar Mikayılovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Məhkəmənin baxış iclası sentyabrın 9-na təyin edilib.
Qeyd edək ki, bu il hadisə mayın 13-də Bakı şəhərində baş verib.
Belə ki, Masallı rayon sakini 1986-cı il təvəllüdlü T.Ağayev qısqanclıq zəminində Bakı şəhəri, Səbail rayonu, Bayıl qəsəbəsi, Ə.Yaqubov küçəsi 1 ünvanın qarşısında Cəlilabad rayon sakini 1978-ci il təvəllüdlü Elşad Dünyamalı oğlu Hüseynova biri daxilə nüfuz etməklə ümumilikdə baş və kürək nahiyəsinə 5 bıçaq zərbəsi vurub.
Nəticədə E.Hüseynov ağır vəziyyətdə Kliniki Tibbi Mərkəzə yerləşdirilib.
Cinayəti törədən T.Ağayev qaçıb gizlənib, daha sonra saxlanılıb.
