Türkiyənin Çanaqqala şəhərində insan qaçaqmalçılığı ilə məşğul olan bir qrup şəxs saxlanılıb.
E-huquq.az Türkiyə mətbuatına istinadən xəbər verir ki, Jandarma və Sahil Mühafizəsi Komandanlığı Çanaqqalanın Ezine və Ayvacık rayonlarında birgə əməliyyat keçirib.
Əməliyyat zamanı 184 qeyri-qanuni miqrant və insan qaçaqmalçılığı ilə məşğul olduqları iddia edilən 9 şübhəli şəxs saxlanılıb.
Şübhəlilərdən 7-si Türkiyə, biri Əfqanıstan, biri isə Misir vətəndaşıdır.
İnsan qaçaqmalçılığında istifadə olunduğu müəyyən edilən mikroavtobuslar, pikaplar, qayıqlar və qayıq mühərrikləri müsadirə edilib.
Nəzarətə alınan 9 şübhəli barəsində həbs-qətimkan tədbiri seçilib.
Miqrantlar Miqrasiya İdarəsinə təhvil verilib.
Şəbnəm Mehdizadə
