Kəpəz Peşəkar Futbol Klubu cərimələnə bilər

“Kəpəz Peşəkar Futbol Klubu” İctimai Birliyinə cərimə protokolu yazılıb.

E-huquq.az xəbər verir ki, klub barəsində İnzibati Xətalar Məcəlləsinin 347-ci (Hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsi) maddəsi ilə inzibati protokol tərtib olunub və baxılması üçün Gəncə Şəhər Məhkəməsinə göndərilib.

İşə hakim Elxan Əlizadənin sədrliyi ilə baxılacaq.

Məhkəmənin baxış iclası martın 28-də keçiriləcək.

Qeyd edək ki, bu xətaya görə, vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir.

Şəbnəm Mehdizadə