"Hakimlərin Qiymətləndirilməsi Komitəsinə əlavə səlahiyyətlər verilməsi nəzərdə tutulub".
E-huquq.az xəbər verir ki, bunu Ali Məhkəmənin Mülki kollegiyasının sədri Sənan Hacıyev Azərbaycan Hakimlərinin ilk Forumunda deyib.
O bildirib ki, hakimlərin ixtisaslaşmalarının məhkəmə daxilində dəyişdirilməsi artıq Komitənin səlahiyyətinə buraxılır: "Komitənin rəyi alınmadan hər hansı bir hakimin məhkəmədə ixtisaslaşmasının dəyişdirilməsinə yol verilməyəcək".
S.Hacıyevin sözlərinə görə, qaydalara əsasən, ixtisasın dəyişdirilməsi məsələsi Komitədə müzakirə olunarkən həmin hakimin dinlənilməsi nəzərdə tutulur: "Hesab edirəm ki, bu da hakimlərimizi sevindirən yeniliklərdən olacaq".
Şəbnəm Mehdizadə
.jpg)
