ABŞ Suriyadakı üç hərbi bazasını tərk edir

ABŞ Suriyadakı iki hərbi bazasını bağlayıb, digərini isə kürdlərdən ibarət Suriya Demokratik Qüvvələrinə (SDQ) verib.

E-huquq.az xəbər verir ki, bu barədə Pentaqonun sözçüsü Səudiyyə Ərəbistanının "Əl-Ərəbiyyə" telekanalına bildirib.

Telekanalın məlumatına görə, kürd qüvvələri “Mission Support Site Euphrates” hərbi bazasına nəzarət edəcək.

Amerika komandirləri son bir neçə həftə ərzində ərəb respublikasından 500-ə yaxın hərbçini geri çəkib.

Qeyd edək ki, bu ilin aprelində Pentaqon Amerika komandanlığının Suriyadakı kontingenti ixtisar edəcəyini və ölkədə 1000-dən az hərbçi qalacağını açıqlamışdı.

Humay Eminqızı