ABŞ-də 2 yaşlı uşaq hava limanında baqaj karuselində yoxa çıxıb

ABŞ-də 2 yaşlı uşaq hava limanında baqaj karuseline qalxdıqdan sonra yoxa çıxıb.

E-huquq.az xarici KİV-ə istinadən xəbər verir ki, hadisə ABŞ-ın Nyu-Cersi ştatındakı Nyuark Liberti Beynəlxalq Hava Limanında baş verib.

Anası kassada uçuşunu yenidən sifariş edərkən yoxa çıxan 2 yaşlı uşaq sərnişinlərin baqajlarını qoyduğu baqaj karuseline çıxıb sistemə daxil olaraq itib.

Uşaq karuselin üzərində sürüşərək aşağı mərtəbədəki baqajın yoxlanılması bölməsinə düşüb. Hadisəni eşidən iki polis dərhal hərəkətə keçib. Polis əməkdaşlarından biri uşağı rentgen aparatının düz yanında tapıb.

Ailəsi ilə Florida ştatının Tampa şəhərinə tətilə getmək üçün hava limanında olan uşaq hadisədən sonra yoluna təhlükəsiz şəkildə davam edib.

Qeyd edək ki, bu hadisə Nyuark Hava Limanında baş verən son problemlərdən yalnız sonuncusudur. Hava limanı uçuş-enmə zolağında uzun növbələr, tez-tez uçuşların ləğv edilməsi, mümkün epidemiya riskləri, tikinti işləri, qüllədə kadr çatışmazlığı və elektrik enerjisinin kəsilməsi ilə bağlı xəbərlərlə tez-tez gündəmə gəlir.

Aprelin sonlarında qüllədəki radar və rabitə sistemləri 90 saniyə oflayn olub, minlərlə uçuş gecikdirilib. Hadisədən sonra ən azı beş aviadispetçer məzuniyyətə buraxılıb. Keçən ilin noyabrında analoji fasilə baş vermişdi.

Son həftələrdə səhiyyə rəsmiləri B terminalından uçan bir şəxsin qızılcaya yoluxduğu aşkar edildikdən sonra potensial bir epidemiya xəbərdarlığı edib.

Şəbnəm Mehdizadə