Ötən ay tarixdə ikinci ən isti may ayı kimi yadda qaldı

2025-ci ilin may ayı indiyədək qeydə alınan ikinci ən isti may ayı olub.

E-huquq.az xəbər verir ki, bu barədə Avropa İttifaqının "Copernicus" İqlim Dəyişikliyi Xidməti məlumat yayıb.

Bildirilib ki, may ayının orta temperaturunun dünya üzrə 15,79 dərəcə olub.

Bu, 1991-2020-ci illərin orta göstəricisindən 0,53 dərəcə, sənayedən əvvəlki dövr hesab edilən 1850-1900-cü illərin orta göstəricisindən 1,4 dərəcə yüksək olub.

Mütəxəssislər, bu faktın qlobal istiləşmənin davam etdiyini açıq şəkildə göstərdiyini söyləyib.

Şəbnəm Mehdizadə